Исроилдаги театрда робот Жанна д'Арк ролини ижро этади

Тель-Авивдаги "Гешер" театрида қўйиладиган "Лолита/Жанна д'Арк" спектаклида бош ролни Москвада тайёрланган робот ижро этади.

"Режиссёр Иехезкел Лазаров бу роботни турли давлатларда ишлаб чиқарилган роботлар намуналари орасидан танлаб олган. У ишлаб чиқарувчи билан боғланди ва компания унинг буюртмасига кўра махсус робот-қизни тайёрлаб берди", - деди спектаклда бош роллардан бирини ижро этувчи актёр Александр Демидов.

Робот-акётрга ўзи мустақил ҳаракатланувчи ва мулоқотга киришувчи KIKI деб аталган робот-промоутер прототип бўлган. Унинг бўйи 160 сантиметр, оғирлиги 80 килограмм бўлиб, бир марта қуввватланиб 8 соатгача ишлай олади. KIKI "Олимпийский"даги концерт тадбирида бошловчилик қилган ва "Крокус-Экспо" кўргазма залида йўлбошловчилик вазифасини бажарган.

Актёрнинг айтишича, робот гапириши керак бўлган спектакль матни Москвада ёзилган. Исроилда эса унга пьеса давомида қандай ҳаракатланиш ўргатилган.