Трамп АҚШдаги шатдаунни гуманитар инқироз деб атади

АҚШ президенти Дональд Трамп федерал муассасалар ишининг тўхтаб қолиши – шатдаунни гуманитар инқироз деб атади ва демократларни дам олиш кунлари бўлишига қарамасдан Вашингтонга қайтишга ҳамда ўз ишларини бажаришга чақирди.

"Демократлар Вашингтонга қайтишлари ва шатдаунга чек қўйиш учун иш бошлашлари ҳамда жанубий чегарадаги гуманитар инқирозни тўхтатишлари лозим. Сизларни Оқ уйда кутаман!", деб ёзди у Twitter саҳифасида.

Унинг сўзларига кўра, "демократлар шатдаун муаммосини 15 дақиқа ичида ҳал қилишлари мумкин эди".

"Демократ сенатор ёки конгрессменингизга қўнғироқ қилинг. Уларга шундай қилишлари кераклигини айтинг! Гуманитар инқироз", деб қўшиб қўйди АҚШ президенти.

Шанбага ўтар тунда шатдаун мамлакат тарихидаги энг узунига айланди. Америка ҳукумати иши 2018 йил 22 декабрда тўхтаб қолганди. Ўтган вақт ичида шатдаун 21 маротаба қайд этилди. Энг узоқ вақт давомида ҳукумат 1978 ва 1995-1996 йилларда ишламаган.