O‘rmon agentligi tashkil etildi

O‘zbekiston prezidentining farmoniga ko‘ra, O‘rmon xo‘jaligi agentligi negizida O‘rmon va yashil hududlarni ko‘paytirish, cho‘llanishga qarshi kurashish agentligi tashkil (O‘rmon agentligi) etildi.

Foto: O‘rmon xo‘jaligi agentligi

Farmonga muvofiq O‘rmon agentligi:

– barcha o‘rmonlarning davlat hisobini hamda davlat o‘rmon kadastrini tuzadi va yuritadi;
– “Yashil makon” umummilliy loyihasini amalga oshirish, ko‘chatchilikni rivojlantirish, daraxt va buta ko‘chatlari pitomniklarini ko‘paytirish bo‘yicha respublika ijro etuvchi hokimiyat organi hisoblanadi.

Mazkur farmonga asosan yangidan joriy etilayotgan tartibga ko‘ra, 2025 yil 1 noyabrdan boshlab o‘rmon fondi yer maydonlari alohida muhofaza etiladi va ularning toifasini o‘zgartirish O‘zbekiston prezidentining qaroriga muvofiq amalga oshiriladi.

Tayyorlagan: Отабек Матназаров

#prezident farmoni #O‘rmon agentligi