Dekabrning ilk haftasi: respublika hududlarida allergenlar holati ma’lum qilindi

Innovatsion rivojlanish agentligi huzuridagi Xalqaro molekulyar allergologiya markazi tomonidan 1–7 dekabr kunlari gul chang qopqonlari orqali olingan ma’lumotlarga ko‘ra, Toshkent shahri va viloyatida havoda allergen o‘simliklar changi kam miqdorda, zamburug‘ sporalari esa o‘rta miqdorda kuzatildi. Qator viloyatlarda o‘simlik allergenlari aniqlanmagan, biroq zamburug‘ sporalari ayrim hududlarda o‘rtacha darajada qayd etilgan.

Toshkent shahri va Toshkent viloyati

1 m³ havo tarkibida allergen o‘simliklardan daraxt va butalar, shuningdek o‘tsimon o‘simliklar bo‘yicha ko‘rsatkichlar kam miqdorda qayd etildi. Zamburug‘ sporalari esa o‘rta miqdorda uchrashi aniqlandi.

Samarqand viloyati

Ma’lumotlarga ko‘ra, 1 m³ havo tarkibida allergen o‘simliklardan daraxt va butalar, o‘tsimon o‘simliklar bo‘yicha ko‘rsatkichlar aniqlanmadi. Zamburug‘ sporalari esa o‘rta miqdorda uchrashi belgilandi.

Andijon, Farg‘ona va Namangan viloyatlari

Ushbu hududlarda 1 m³ havoda allergen o‘simliklardan daraxt va butalar bo‘yicha ko‘rsatkichlar aniqlanmadi, o‘tsimon o‘simliklar bo‘yicha esa kam miqdorda qayd etildi. Zamburug‘ sporalari o‘rta miqdorda uchrashi aniqlandi.

Qashqadaryo viloyati

Qashqadaryo viloyatida 1 m³ havo tarkibida allergen o‘simliklardan daraxt va butalar aniqlanmadi, o‘tsimon o‘simliklar kam miqdorda qayd etildi. Zamburug‘ sporalari o‘rta miqdorda uchrashi aniqlandi.

Surxondaryo viloyati

Surxondaryo viloyatida 1 m³ havo tarkibida allergen o‘simliklardan daraxt va butalar, o‘tsimon o‘simliklar bo‘yicha ko‘rsatkichlar aniqlanmadi. Zamburug‘ sporalari esa kam miqdorda uchrashi ma’lum qilindi.