Эррера "МЮ"нинг апрель ойидаги энг яхши футболчиси бўлди

Kun.uz: "Манчестер Юнайтед" жамоасининг ёш яримҳимоячиси Андер Эррера жамоа мухлислари томонидан ўтган ойда энг кучли ўйинни кўрсатган футболчи деб топилди ва унга махсус мукофот топширилди. Испаниялик бу футболчи апрель ойида ўтказилган 4та ўйинда 2та гол уришга эришди. Маълум бўлишича, жамоа сайти орқали ўтказилган сўровномада 67 фоиз мухлис унга овоз берган. 25 ёшли бу хавбек иккинчи маротаба шундай эътирофга лойиқ кўрилмоқда, бундан олдин ҳам, февраль ойида мухлислар уни энг яхши футболчи сифатида танлашганди.