Флойд Мэйвезер ўзининг барча камарларидан воз кечишини маълум қилди

Kun.uz: Америкалик боксчи Флойд Мэйвезер Мэнни Пакьяо билан ўтказилган жангидан кейин берган интервьюси вақтида ўзи қўлга киритган камарлардан воз кечмоқчилиги ҳақида маълум қилди. Унинг айтишича, 4 май куни у WBC, WBA ва WBO йўналишлари бўйича чемпионлик камарларидан воз кечади. 3 май куни АҚШнинг Лас-Вегас шаҳридаги “MGM Гранд” аренасида ярим ўрта вазн тоифаси WBC, WBA ва WBO йўналишлари чемпионлик камари учун замонамизнинг икки буюк жангчиси – Флойд Мэйвезер ва Мэнни Пакьяо ўртасида “Аср жанги” ўтказилди. Жанг якунида ҳакамлар АҚШ вакили Мэйвезер 118-110, 116-112, 116-112 ҳисобларида ғалаба қилганини маълум қилишди. "Бошқалардан фарқли равишда мен очкўз эмасман", дея бу қарорини изоҳдайди боксчи.