Линдси Вонн ва Тайгер Вудс ўз муносабатларига чек қўйишди

Kun.uz: АҚШлик тоғ чанғичиси Линдси Вонн ва гольфчи Тайгер Вудс бир неча йиллик ишқий муносабатларига чек қўйишди. “Тайгер билан деярли уч йилдан бери бирга бўлганимиздан кейин у билан муносабатларимизга чек қўйишга қарор қилдик. Мен доимо биз бирга бўлган онларни илиқлик билан эслаб қоламан. Афсуски, иккимиз бизнинг аксарият вақтимизни бир-биримиздан айро тарзда сарфлашга мажбур қиладиган шароитларда яшаймиз. Мен доимо Тайгер билан фахрланаман ва уни ҳурмат қилиб қоламан. У ва унинг ажойиб оиласи доимо менинг қалбим тўридан жой олади”, деб ёзди Вонн ўзининг Facebook’даги саҳифасида.