Тожикистонлик эксперт: террорчи гуруҳларнинг ёлловчиларига қарши курашни кучайтириш керак

Тожикистон президенти қошидаги Стратегик тадқиқотлар маркази директори Худойберди Ҳолиқназарнинг таъкидлашича, Ироқ ва Сурияда Тожикистон фуқароларини экстремистик гуруҳлар сафларига жалб қилаётган ёлловчиларга қарши курашни кучайтириш керак. Бу ҳақда у 5 май куни Душанбеда бўлиб ўтган радикализм ва экстремизмнинг олдини олиш масалаларига бағишланган конференцияда сўзлаган маърузада баёнот берди.
Шунингдек, у кўпгина тожикистонликлар алданганини тушуниб, Ироқ ва Суриядан кетишни хоҳлаётганини, аммо бу хавфли бўлгани учун аксарият жангари гуруҳлар таркибида қолаётганини таъкидлаб ўтди.