АҚШдаги селда қарийб 30 киши чўкиб кетди

АҚШнинг Техас ва Оклахома штатларида содир бўлган сел оқибатида деярли 30 киши ҳалок бўлди. Бу ҳақда Associated Press агентлиги хабар бермоқда.
Маълум бўлишича, Техасда 24 киши, Оклахомада 4 киши ғарқ бўлган. Шунингдек, ўнлаб одамлар дом-дараксиз кетган.
Метереология хизматининг маълум қилишича, ёғингарчилик дам олиш кунлари ҳам давом этади.
АҚШ президенти Барак Обама Техасни ҳалокат зонаси деб эълон қилди. Штатга гуманитар ёрдам кўрсатилиши кутилмоқда.