Ижтимоий тармоқларда миллий Chevrolet Aveo автомобили суратлари тарқалди

Фейсбук ижтимоий тармоғидаги «Водители Ташкента» гуруҳида янги Chevrolet Aveo автомобилининг суратлари эълон қилинди.

Мазкур моделнинг миллий бозоримизга 2016 йилда чиқарилиши тахмин қилинмоқда.

Ижтимоий тармоқ фойдаланувчиларининг қайд этишича, автомобиль ташқи томондан бошқа миллий маҳсулот — Chevrolet Epicaга ўхшаб кетади.

Аввалроқ 2015 йил авгус ойида Асака (Андижон вилояти)даги заводига Aveo моделини ишлаб чиқариш учун ускуналар ўрнатилгани хабар қилинган эди.