Пекин Вашингтонни Хитой суверенитетига таҳдид солишни тўхтатишга чақирди

АҚШ Хитой суверенитетига соя солувчи “хавфли қадамлар” ташламаслиги лозим. Бу ҳақда ХХР мудофаа вазири ўринбосари Чан Ваньцюань Куала-Лумпурдаги хавфсизлик бўйича конференция чоғида айтиб ўтди.

Reuters агентлигининг хабар қилишича, у ўз мурожаатини Пентагон раҳбари Эштон Картерга йўллаган. Айни пайтда, Пентагон матбуот хизматининг хабар беришича, Эш Картер хитойлик ҳамкасби билан учрашув чоғида АҚШ Жанубий Хитой денгизидаги ҳудуд баҳсларида ҳеч қандай аниқ позицияни эгалламаганини таъкидлаб ўтди.

Шу билан бирга, у томонларни сунъий ороллар яратиш ҳамда минтақани ҳарбийлаштиришдан тийилишга чақирди.