Қўшимча функционаллар
-
Тунги кўриниш
KUN.UZ дайжести: 19 ноябрь, Дунё хабарлари
Ҳурматли ўқувчилар, эътиборингизга 19 ноябрь куни жаҳонда рўй берган энг асосий янгиликларни такроран ҳавола этамиз.
Россия авиацияси ИШИДнинг Суриядаги марраларига кенг кўламли авиазарбалар берди>>
Россия Бош штабининг бош тезкор бошқармаси бошлиғи генерал-полковник Андрей Картаполовнинг маълум қилишича, Россия авиацияси Суриядаги Ракка, Дайр аз Заур, Ҳалаб ва Идлиб вилоятларидаги ИШИД террорчилик ташкилоти марраларига иккинчи оммавий зарбалар уюштирди.
Нигерияда худкуш-террорчи ўзини портлатиб юбориши натижасида уч киши ҳалок бўлди>>
Нигериянинг шимолида жойлашган Кано шаҳридаги мобиль қурилмалар бозорида икки нафар худкуш-террорчи ўзини портлатиб юборди.
Керри: Суриядаги ихтилоф – ҳам фуқаролик уруши, ҳам “бировнинг қўли билан олиб борилаётган уруш”>>
Суриядаги ихтилоф – ҳам фуқаролик уруши, ҳам “ташки кучларнинг қўли билан олиб борилаётган уруш”дир, деб айтди АҚШ Давлат котиби Жон Керри Вашингтонда дипломатик хавфсизлик масалалари бўйича ўтган анжуманда.
Нурсултон Назарбоев кекса амалдорларга: барчани 25 йил ушлаб турдик, энди кетиш вақти келди>>
Қозоғистон президенти Нурсултон Назарбоев “Қозоғистон Республикасида давлат хизмати тўғрисидаги” қонунга тақиқлов қўйди.
Сараево яқинида 2 нафар босниялик аскар отиб кетилди>>
Автомат билан қуролланган шахс ҳужуми натижасида Босния ва Герцоговина армиясининг 2 нафар аскари ҳалок бўлди.
Telegram террорчиларга тегишли 78 та канални тўсиб қўйди>>
Россия алоқа вазири Николай Никифоров ўзининг твиттерида хабарлар билан бир зумда алмашиш тизими Telegram террорчилик ташкилотларига тегишли 12 тилдаги 78 та канални тўсиб қўйганини маълум қилди.
АҚШ ИШИД етакчиси ҳақидаги ахборот учун 5 млн доллар мукофот пули эълон қилди>>
АҚШ ИШИД етакчиларидан бири Абу Муҳаммад ал-Шимоний ҳақидаги ахборот учун 5 млн доллар мукофот пули эълон қилди.
Гондурасда қалбаки паспортга эга сурияликлар қўлга олинди>>
Пекин ИШИД жангарилари хитойликни ўлдирганини тасдиқлади>>
Хитой Ташқи ишлар вазирлиги 19 ноябрда ИШИД жангарилари томонидан Хитой фуқароси Фань Цзинхуэй ўғирланиб, ўлдирилгани ҳақидаги ахборотни тасдиқлади.
Гондурасда АҚШда грек паспортини ўғирлаган беш нафар суриялик қўлга олинди.
ОАВ Airbus борти ва Москвадаги уйда содир бўлган портлашлар ўртасида умумийлик мавжудлигини аниқлади>>
ИШИД томонидан Россиянинг Airbus A321 авиалайнерини портлатишда қўлланилган дея даъво қилинаётган бомба тузилишига кўра 1999 йилда Москва шаҳрида содир этилган қўпорувчилик ҳаракатда ишлатилган портловчи ускунага ўхшайди.
Россия ва Хитой Су-35 етказиб бериш бўйича шартнома имзолади>>
Россия ва Хитой 24 дона кўп функцияли Су-35 қирувчиларини етказиб бериш бўйича йирик авиацион шартнома имзолади.
ФҚБ ИШИД жангарилари ёзишмаларини дешифровка қила олмаганини тан олди>>
АҚШ Федерал қидирув бюроси директори Жеймс Коми Нью-Йоркда ўтган киберхавфсизлик бўйича конференциядаги чиқиши чоғида ИШИД жангарилари томонидан қўлланадиган кодлаш методлари идора мутахассисларини боши берк кўчага киритиб қўйганини тан олди.
Эрдўған: Венада Суриядаги сайловларни Асадсиз ўтказишга келишилди>>
Туркия президенти Ражаб Тойиб Эрдўған Сурияда ўтажак сайловларда мамлакатнинг барча фуқаролари, шу жумладан, қочқинлар ҳам иштирок этиши зарурлигини таъкидлаб ўтди.
А321 самолётида портлаш юз беришининг эҳтимолий тасвири ишланди>>
31 октябрь куни Мисрнинг Синай ярим оролида қулаган А321 лайнери бортида юз берган портлаш жараёнининг тахминий видеолавҳаси ишлаб чиқилди.
Guardian: АҚШнинг дронлари ИШИД жангариларига ёрдам бермоқда>>
АҚШнинг учувчисиз аппаратлари бераётган зарбалар тинч аҳолининг ўлимларига сабаб бўлиб, ИШИДга ёрдам бермоқда.
Париждаги теракт ижрочиси собиқ рафиқаси: Эрим диндор эмасди>>
13 ноябрь куни Парижда теракт содир этганлардан бири, Вольтер хиёбонида ўзини портлатган Иброҳим Абдисломнинг собиқ рафиқаси, 36 ёшли Наиманинг айтишича, унинг собиқ эри диндор одам бўлмаган.
АҚШдаги кучли пўртана натижасида уч киши ҳалок бўлди>>
Кучли пўртана (шторм) 19 ноябрга ўтар кечаси Американинг Вашингтон штати ҳудудига кириб келди. Сўнгги маълумотларга кўра, табиий офат натижасида уч киши ҳаётдан кўз юмди.
Мисрга парвоз қилаётган Польша самолёти бортидан портловчи модда топилмади>>
Варшавадан Мисрнинг Хургад шаҳрига учаётган самолёт борти текширувдан ўтказилганида, портловчи ускуна борлиги ўз тасдиғини топмади.
Обама: Россия Асад ва қонуний ҳукумат ўртасида танловни амалга ошириши лозим>>
АҚШ президенти Барак Обама Канада бош вазири Жастин Трюдо билан суҳбат чоғида Сурия ихтилофига муносабат билдирди. Унинг таъкидлашича, Россия ва Эрон амалдаги президент Башар Асад ва қонуний ҳукумат ўртасида танловни амалга ошириши лозим.
ОАВда Париж кафеларидан бирида содир бўлган теракт видеотасвирлари пайдо бўлди>>
13 ноябр куни радикал террористлар томонидан Париж кафеларидан бирида содир этилган қўпорувчилик ҳаракатлари тасвирланган илк кадрлар ОАВда пайдо бўлди.
WSJ: АҚШ Суриядаги ихтилофни тўхтатиш учун Россия ва Эрон иттифоқини бўлиб юбормоқчи>>
АҚШ ва Европа давлатларининг фикрича, Россия ҳамда Эрон ўртасидаги иттифоқнинг тугатилиши Суриядаги ихтилофга якун ясайди.
Россия ТИВ: Сурияда ИШИДнинг 160 нафар россиялик жангариси ўлдирилди>>
Россия Ташқи ишлар вазири ўринбосари Олег Сиромолотовнинг маълум қилишича, Суриядаги жангларда шу вақтгача Россиядан келган 160 нафар ИШИД жангариси ўлдирилган.
Россиянинг Саратов вилоятида 13 ёшли маст қиз 6 машина иштирокидаги ЙТҲни келтириб чиқарди>>
Россиянинг Саратов вилоятида жойлашган Балаково шаҳрида 13 ёшли қиз маст ҳолда йўл-транспорт ҳодисасини уюштирди.
Хитойда юз берган ер ўпирилиши қурбонлари сони 38 нафарни ташкил қилди>>
13 ноябрь куни кечаси Хитой шарқидаги Чжецзян вилоятида юз берган ер ўпирилиши ҳодисаси туфайли ҳалок бўлганлар сони 38 нафарга етди.






















