Зидан "Реал" бош мураббийи сифатида илк марта мурожаат қилди

"Реал" бош мураббийи сифатида тайинланган Зинедин Зидан матбуот анжуманида янги лавозимидаги илк таассуротлари билан ўртоқлашди.

"Менга бу буюк жамоани бошқариш имкониятини бергани учун "Реал" президентига миннатдорчилик билдираман.

Бугун мен учун катта хурсандчилик куни ва энди мен бутун қалбим билан жамоадаги вазиятни яхшилаш учун ишлайман.

Бундан олдин менда бундай ҳаяжон "Реал"га футболчи сифатида келган кунимда бўлганди.
"Реал" жаҳоннинг энг яхши жамоаси ва жамоанинг мухлислари дунёдаги энг яхшиси.

Мавсум охиригача бирорта совринни қўлга киритиш учун қўлдан келган барча ишни қиламан", - дейди Зидан.

"Реал"да Рафаэль Бенитес истеъфога чиқарилиб, унинг ўрнига Зидан тайинланди