Ўлатга қарши вакцина 1897 йилнинг 10 январь куни илк маротаба ихтиро қилинган

Инсониятни сақлаб қолган вакцинани яратган микробиолог Владимир Хавкин ўзига ўзи инъекция қилган. Луи Пастернинг башорати амалга ошди: “Ўқувчиларимдан бири ўлатни тўхтатади”.

Пастер бу фикрни вафотидан олдин институтга сўнгги маротаба келган пайтида айтган эди. Ўша вақтда унга яқиндагина ўқувчиси Александр Йерсен томонидан кашф этилган ўлатни чақирувчи бактерия микроскоп остида намойиш этилган.

1893-1915 йилларда Владимир Хавкин Ҳиндистонда фаолият олиб борар эди. 1896 йилда у Бомбейда лаборатория ташкил этди, айнан шу ерда у ўлдирилган ўлатга қарши вакцинани яратди ва ўзида синаб кўрди. Янги вакцина ҳам терапевтик, ҳам профилактик таъсирга эга эди. Вакцинадан сўнг, касалланиш икки маротаба, ўлим эса тўрт маротабага камайган. Хавкин вакцинаси билан эмлаш Ҳиндистонда кенг тарқалган эди. ХХ асрнинг 40-йилларига қадар Хавкин вакцинаси ўлатга қарши ягона дори бўлган. 1956 йилда ўлатга қарши лаборатория (Хавкин номидаги бактериология институти) яратилганлигига 60 йил бўлган эди. Шу муносабат билан Ҳиндистон Президенти Прасад шундай деган эди: “Ҳиндистон доктор Владимир Хавкин олдида қарздор. У Ҳиндистонга ўлат ва вабодан халос бўлишда ёрдам берди”.