«Амкар» жамоаси легионерининг ўғирланган рафиқаси асирликдан озод этилди

Россиянинг «Амкар» клуби футболчиси Фегор Огуденинг хотини ўғрилаб кетилганидан олти кун ўтиб асирликдан қутқариб олинди. Бу ҳақда Premium Times Nigeria нашри Нигерия ёшлар терма жамоаси матбуот хизмати берган маълумотга таяниб хабар тарқатмоқда.

«Худога шукрки, Огуденинг хотини жиноятчилар қўлидан қутқариб олинди. Ҳозирда у ўз оиласи билан бирга», – деб ёзади терма жамоа матбуот котиби Эбикагборо ўз твиттерида.

Олдинроқ, жиноятчилар футболчининг хотини учун пул талаб қилгани хабар қилинганди.

Уларнинг талаби қондирилганми ёки йўқ, бу ҳақда маълумот берилмаган.