АҚШда қидирувдаги жиноятчи полицияга ўзининг чиройли селфисини юборди

Лайма шаҳри (Огайо штати) полицияси қидирувда бўлган шахсдан магшот – бир муддат олдин полицияда олинган сурати ўрнига ўзининг селфисини юборди. 45 ёшли Дональд “Чип” Пью полицияга “бу сурат, анави даҳшатилисига қараганда яхшироқ” сўзлари билан селфини юборди.

“Бу сурат жаноб Пьюнинг ўзи томонидан юборилган. Биз унга ёрдами учун раҳмат айтамиз, бироқ унга қўйилган айбловлар ҳақида гаплашиб олиш учун полиция участкасига келса, миннатдор бўлар эдик”, - дейилади полициянинг фейсбукдаги саҳифасида.

Пьюнинг интилишларига қарамай, полициячилар нафақат селфи, балки жиноятчининг иккита бошқа сурати, хусусан унга ёқмаган иккинчисини ҳам омма эътиборига тақдим этган. Мазкур суратга эркак табассум қилган ҳолда тушган. У судга келмаганликда айбланмоқда.

Бундан ташқари, Пью бошқа бир қатор ножўя ҳаракатлар - ёқиб юбориш ва вандализм каби жиноятларда айбланади. Қидирувда бўлган эркак 104.9 The Eagle радиостанциясига берган интервьюсида ўз ҳаракатини қуйидагича изоҳлаган: “Жин урсин, улар устимдан кулишмоқда. Улар қўшиқчи Жеймс Брауннинг қидирувда бўлган вақтидагига ўхшаб тушган суратимни қўйишибди. Мен бунга чидолмайман”.

Бундан ташқари, Пью магшотда нима учун кулиб тушганини гапириб берган. Унинг сўзларига қараганда, ўша вақтда бу унинг илк маротаба қўлга олиниши эди.

“Офицерлар мендан сўрашди: “Нима учун куляпсан?” Мен жавоб бердим: “Чунки бир дақиқадан сўнг қамоқхонадан чиқиб кетмоқчиман. Шу даражада бахтиёрманки”. Шунинг учун тинч кўринишда суратга тушишни инкор этдим”.

Қочоқдан унинг кейинги режалари тўғрисида сўралганида, у ўз хотиралари билан ўртоқлашган: “Кичкина болакай бўлган вақтимда бувим ухлашдан олдин эртак айтиб берар эди. “Югур, иложи борича тезроқ югур. Сен мени тута олмайсан” дея такрорлайдиган персонаж менинг қаҳрамоним эди. У сурат туфайли ўз шаҳрининг қаҳрамонига айланганини айтган.

“Мен буни аҳмоқ дўстларим учун амалга оширдим” – деди Пью. Унинг интервьюси радиостанция эфиридаги “Кун аҳмоғи” эшиттиришида қўйилди.

Пьюнинг мухлислари фейсукда “Free Chip Pugh” ҳамжамиятини яратишди, унда эркакни қўлга ола олмаган полицияни мазах қилувчи ҳазилларни ёзишмоқда.