«Рома» Руди Гарсияни истеъфога чиқарди

Италиянинг «Рома» клуби бош мураббийи Руди Гарсия ўз вазифасидан озод қилинди. Бу ҳақда расмий хабар Рим клуби сайтида эълон қилинди.

51 ёшли француз мутахассиси билан биргаликда «Рома»ни унинг ёрдамчилари Фредерик Бомпар ва Клод Фишо ҳам тарк этишган.

Эслатиб ўтамиз, клубни бошқариш учун ҳозирча жамоанинг собиқ устози Лучано Спаллетти асосий даъвогар бўлиб турибди.