Хомашё товарларининг нархи 1991 йилдаги энг паст даражага тушиб кетди

Bloomberg томонидан чиқариладиган хомашё индекси 1991 йилдан буён энг паст даражага тушиб кетди.

Хитой иқтисодиётининг қулаши таҳдиди туфайли металл ва энергия ташувчилар бозорида инқироз келиб чиқиши хавфи бунга сабаб бўлди.

Хом ашё компаниялари акцияларининг тушиши ўз навбатида жаҳон фонд биржаларига салбий таъсир ўтказмоқда.

Хусусан, ўз ичига 22 турдаги хом ашё шартномаларини олувчи Bloomberg Commodity индекси 1.3 фоизга ёки 74.17 пунктга тушган. Ушбу индикатор нафақат маҳсулот нархининг тушишини, балки даромаднинг тушиши фьючерс шартномалари эгалари кўрадиган зарарларни ҳисобга олади.

Агентлик келтирган маълумотларда WTI нефти нархи 12 йиллик нархни янгилаб, бир баррели учун 31 доллардан пастга тушган, асалнинг бир фунти эса 2 доллардан қуйида, 1 бушель буғдой (35 кг дан ортиқ) нархи 3,5 доллардан қуйида экани қайд этилган.

Бундан олдинроқ, Brent нефти нархи 31 долларлик кўрсаткичга қайтгани хабар қилинганди.