Усэйн Болт: Ван Гаал бошқарувидаги «МЮ»да ўйнашни истамаган бўлардим

Таниқли ямайкалик спринтер Усэйн Болт ўзи мухлислик қиладиган «Манчестер Юнайтед» жамоасидаги ҳозирги аҳвол бўйича фикрларини билдириб ўтди.

Унинг ўзи айтишича, у Луи ван Гаал бошқарувидаги «Манчестер Юнайтед»да ўйнашга розилик бермаган бўларди.

Спринтер голландиялик мураббийнинг ўйин услубини ўта зерикарли деб баҳолаган.

"Менимча, мен «Манчестер Юнайтед»нинг талабига жавоб бера оладиган футболчи бўла оламан. Жамоа мени трансфер қилишга уриниб кўрса бўлади. Мен ўта тезкорман, тўп билан муомила қилишни ҳам қойиллатаман ва тактик схемаларга ақлим етади. Лекин ван Гаалнинг ўйин услубини кузата туриб, мен бундай таклифга рози бўлмаган бўлардим деб ўйламоқдаман. Мен жамоа мураббийни ўзгартирмагунча, бундай таклифга рад жавобини қайтараман", дейди Болт Goal нашрига берган интервьюсида.