Британияликлар 700 килограммлик трек родстерини яратишди

Marlin кит-карлар ишлаб чиқарувчи компаниясига тегишли Британиянинг Avatar компанияси Roadster номли янги моделни тақдим қилди. Умумий йўлларда юришга рухсат берилган бу трек спорткари тақдимоти Бирмингемдаги Autosport International кўргазмасида бўлиб ўтди.

700 килограммлик Avatar Roadster қувурсимон рама ва углепластик кузов панеллари негизида қурилди.

Янги автомобиль EcoBoost оиласига мансуб, 2,0 ва 2,3 литрли иккита “Форд” мотори билан таклиф қилинмоқда. Porsche Boxster’дан олинган беш поғонали механик узатмалар қутиси билан биргаликда ишловчи двигателлар мос равишда 252 ва 350 от кучига эриша олади.

Машинанинг жиҳозлари рўйхатига созланувчи амортизаторлар, Tilton ихчам педаль узели ҳамда ўзи блокланувчи дифференциал кирди.

Машинанинг базавий версияси 0 дан 96 км/соат тезликкача 3,9 сонияда эришади, максимал тезлиги эса соатига 240 км ни ташкил қилади.

2 литрли двигателга эга родстренинг нархи 38 минг еврони, 2,3 литрлиси эса 44,5 минг еврони ташкил қилмоқда. Компания йилига бундай машинадан 30 дона чиқаришни режалаштирмоқда.