Ўзбекистоннинг биринчи ракеткаси Денис Истомин келишилган ўйинларда иштирок этгани гумон қилинмоқда

Show Legend интернет портали келишилган ўйинларни ташкил этишда иштирок этган теннисчилар рўйхатини эълон қилди. Ушбу "қора рўйхат"га дунёнинг ТОП-50талигидан жой олган 16 нафар теннисчи киритилган.

Шубҳа остига олинганлар орасида Ўзбекистон вакили Денис Истомин ҳам бор. Ўзбекистоннинг биринчи ракеткаси ҳам келишилган ўйинларни ташкил этишда гумон қилиняпти.

Ушбу рўйхатдан россиялик теннисчилар Теймураз Габашвили, Александр Богомолов, Игорь Андреев, қозоғистонлик Андрей Голубев, австралияликлар Ллейтон Хьюитт, Мэттью Эбден, сербиялик Янко Типсаревич, хорватиялик Иван Додиг, испаниялик ракетка усталари Альберт Монтаньес, Даниэль Химено-Травер, аргентиналик Хуан-Игнасио Чела, словакиялик Лукаш Лацко, чехиялик Ян Гайек ва америкалик Майкл Рассел жой олишган.

Мазкур рўйхатдаги 15 теннисчидан 8 нафари айни пайтда давом этаётган Австралия Очиқ чемпионатида иштирок этяпти. Истомин эса ҳам яккалик, ҳам жуфтлик баҳслариниг биринчи босқичида мағлубиятга учраб, ўз иштирокини якунлади.