Ноёб Ferrari купеси 2.8 млн долларга баҳоланди

Аризона штатидаги RM Sotheby’s ким ошди уйи 1985 йили чиқарилган, 14 975 км йўл босган Ferrari 288 GTO купесини сотувга қўяди. Унинг тахминий нархи 2.4-2.8 млн доллардир.

Айтилишча, ушбу автомобиль муқаддам олти кишига тегишли бўлган. Илк бора уни 1980-йилларда Лос-Анжелесда Ferrari’нинг расмий дилеридан сотиб олишган. Охирги марта эса у 2011 йили харид қилиниб, 30 минг долларга капитал таъмирдан чиқарилган.

Компания 288 GTO моделини Раллининг В гуруҳидаги омологацияси учун тайёрлаган эди. Жами 200 нусхада чиқарилган модель жаҳон чемпионатида иштирок эта олмади: 1986 йили Ҳенри Тойвоненнинг ҳалокатидан сўнг В гуруҳи тақиқланди. Шунга қарамай, ишлаб чиқариш давом этди ва моделнинг жами 272 нусхаси чиқарилди.

Ferrari 288 GTO 8 цилиндрли 2 турбинали 400 от кучига эга мотор билан таъминланган. Купе 100 км/соат тезликка 4.9 секундда эришади. Максимал тезлик 300 км/соатдан ошади.

2014 йили 1984 йили чиқарилган 288 GTO RM Auctions 2.75 млн долларга сотилган эди.