Mercedes-Benz'нинг илк пикапи қандай номланиши маълум бўлди

Nissan NP300 платформаси асосида яратилаётган Mercedes-Benz`нинг биринчи ўрта ҳажмли пикапи X-Class ёки Z-Class номини олиши мумкин. Модел йўл мавжуд бўлмаган ҳудудларда ҳам ҳаракатлана олишини ҳисобга олган ҳолда немис автоишлаб чиқарувчиси уни X-синф номи билан аташга мойиллик билдирмоқда, дея хабар берди CarAdvice.

Пикап фақатгина дизелда ҳаракатланиб, ўрта ва арзон нархдаги автомобиль 2,3 литр ҳажмли тўрт цилиндрли мотор билан таъминланади. Бунда мотор қуввати 188 от кучига тенг. Қимматроқ намунасига эса олти цилиндр, 255 от кучига тенг двигатель ўрнатилади.
Mercedes-Benz пикапининг олд ва орқа ғилдираклари бирдек ёки алоҳида “тортиши” мумкин.

Мазкур автомобилни яратиш устидаги ишлар 2015 йилнинг мартида бошланган эди. Апрель ойида автоишлаб чиқарувчи моделнинг Nissan NP300 платформасида бунёд этилишини маълум қилди. Янги немис маркаси 2020 йилда савдога чиқарилади.