Подмосковьеда полициячиларга ҳужум уюштирилиб, бир полициячи ўлдирилди

Подмосковьедаги йўл-патруль хизмати постига уюштирилган ҳужум оқибатида бир полициячи ҳалок бўлган. ТАСС нашрининг ҳуқуқ-тартибот органларидаги манбаси хабарига кўра, Балашихеда шимолий кавказлик жангарилар ҳужуми амалга оширилган. Ҳужум оқибатида яна 1 полициячи жароҳатланган.

Аниқлик киритилишича, 2 нафар қуролланган шахс ҳужум бошлаган. Улар ўқотар қурол ҳамда болтадан фойдаланишган.

Ҳужум қилувчиларнинг иккиси ҳам отиб йўқ қилинган.

Айни вақтда ҳодиса тафсилотлари ўрганилмоқда.

Эслатиб ўтамиз, бугун Россиянинг Санкт-Петербург шаҳрида Шимолий Кавказдаги жангари гуруҳ аъзоларига қарши йирик амалиёт ўтказилди. Амалиёт вақтида қуролли қаршилик кўрсатган 4 жангари йўқ қилинди.