Трампнинг рафиқаси Британиянинг Daily Mail газетасини судга берди

АҚШ президентлиги учун Республикачилар партияси номзоди Дональд Трамп рафиқаси Мелания Трамп адвокатлари Daily Mail нашри устидан судга мурожаат қилишган. Бунга нашрнинг ўтган аср 90-йилларида Меланиянинг эскорт агентлигида ишлагани тўғрисидаги иддаолари сабаб бўлган, деб ёзмоқда The Guardian газетаси.

Бундан ташқари, Трамп хоним, Daily Mail нашрини Меланиянинг 90-йиллардаги муҳожирлик мақоми юзасидан жавобгарликка тортиш ниятида. 

«Бу каби баёнотлар 100 фоиз ёлғон, туҳмат бўлиб, унинг обрўсига путур етказиш билан бирга ҳақорат ҳамдир», — дейилади судга топширилган мурожаатда. 

Ҳужжатда таъкидланишича, Мелания президентлик пойгалари чоғида ОАВнинг эркинлигини қабул қилади, бироқ бундай очиқча ёлғонлар рухсат берилган чегаралардан ошиб кетган.