Рио-де-Жанейродан қайтган Ўзбекистон олимпиячилари Тошкент аэропортида кутиб олинди.
Аэропортнинг «Тошкент-3» терминалида чемпионларни уларнинг ота-оналари ва бошқа яқинлари, Ўзбекистон бош вазири Шавкат Мирзиёев бошчилигидаги расмий шахслар, Миллий олимпия қўмитаси раҳбари Мираброр Усманов, жамоатчилик арбоблари, фахрийлар ва бошқа кўплаб мухлислар қарши олишди.
Тошкент аҳолиси Рио қаҳрамонларини қарши олиш учун кўчаларга чиқди.
Спортчилар минглаб спорт ишқибозлари кутиб турган Бобур, Нукус, Афросиёб, Шароф Рашидов ва Навоий кўчалари бўйлаб Tashkent City Tour автобусларида ўтиб МОҚ биносига қадар боришди.
Тошкентнинг асосий кўчалари бўйлаб мамлакат байроқлари билан безатилган автомобиллар ҳаракатланади, кўчаларда «Ўз-бе-ки-стон!» ҳайқириқлари янгради.
