MTV канали MTV Video Music Awards маросими рекламаси учун Нью-Йорк осмонида дунёдаги энг катта проекцион тизимни ташкил қилди.
Акцияда иккита вертолёт иштирок этди: улардан бирига улкан мато (энг қисқа жойида энига 75 метр) маҳкамланди. Бу матога иккинчи вертолёт тасвир проекциясини туширган. Таққослаш учун, АҚШдаги автомобиль кинотеатрларида бу экрандан 4 маротаба кичикроқ экранлар ишлатилади.
Жаҳон рекордини бундай реклама турларига ихтисослашган Branding By Air компанияси ўрнатди. Компания вакилларининг айтишича, буни амалга ошириш учун уларга икки йил талаб қилинган. Одатдаги баннер тунги шаҳар фонида кўринмаслиги сабабли проекцион тизимни қўллашга қарор қилинган.
Реклама акцияси учун аэродинамик қувурда кўплаб синовлар ўтказилди: компанияда матонинг идеал шакли қидирилган. Экраннинг ўзи бир нечта бўлак матодан тикилган бўлган. Унинг юқори қисмида ҳаво чўнтаклари, пастида эса махсус юклар маҳкамланган бўлган: бу деталлар матонинг ҳаводаги ҳаракатини стабил қилишга имкон берган.
Проекцион тизим 4К-проекторлардан ташкил топган бўлиб, улар экрандан 60 метр узоқликда жойлашган бўлган.
Ишлатилган қурилмалар шунчалик оғир бўлганки, уни фақатгина ҳарбий вертолёт кўтара олган.