Дунёнинг энг "яшил" шаҳарлари рейтинги тақдим этилди

Дунёнинг энг "яшил" шаҳарлари рейтинги Arcadis компанияси сайтида тақдим қилинди. Рейтингнинг биринчи ўрни Цюрих шаҳрига (Швейцария) насиб этди. 

Иккинчи ўринда Сингапур номи қайд этилди. Ундан кейинги поғоналарни эса Стокгольм (Швеция), Вена (Австрия), Лондон (Буюк Британия), Франкфурт (Германия), Сеул (Корея Республикаси), Ҳамбург (Германия), Прага (Чехия) ва Мюнхен (Германия) шаҳарлари эгаллади. 

Топ-100 рўйхатининг охирги ўринларида Найроби (Кения), Қоҳира (Миср) ва Калькутта (Ҳиндистон) шаҳарлари қайд этилган.

Экспертлар рўйхатни тузишда ижтимоий, экологик ва иқтисодий омилларни инобатга олишган - умумий ҳисобда 32 турли жиҳатга эътибор қаратилган.