«Манчестер Сити» жамоаси бош мураббийи Хосеп Гвардиола Кевин де Брюйнени ўзи билан бирга ишлаган энг яхши футболчилардан бири деб билиши ҳақида айтиб ўтди.
«Де Брюйне – мен ишлаган энг яхши футболчилардан бири. Месси алоҳида столда. Унинг ёнида ўтириш ҳаммага ҳам эмас. Лекин Кевинга мумкин бўлади.
Де Брюйне – етакчи футболчи. У тўп учун биринчи бўлиб курашга киришади. У тўп билан ҳам зўр ҳаракатланади, майдонда нималар бўлаётганини аниқ кўриб туради. Ҳар бир эпизодда энг тўғри қарорни қабул қилади.
Мен Кевинни жуда ҳам яқиндан танимайман, лекин билишимча, у бўш вақтини рафиқаси ва фарзанди билан ўтказади. Ўйинларга у хотиржам ҳолатда келади.
Шубҳа йўқ, у дунёнинг энг яхши футболчиларидан бири. Унинг жамоамизда экани - омадимиз келганидир. Лекин зўрлигинг тан олиниши учун сен совринлар ютишинг керак бўлади.
Балки мен хато қилаётгандирман, лекин ўйлашимча, у ҳам шахсий совринлар ютишни истайди», – дея қайд этган Гвардиола.
Манба: Tribuna.uz