ИШИД снайпери Ироқда журналистни ўлдирди

Ироқ шимолидаги Киркук шаҳрида ИШИД снайпери журналистни ўлдирди. Бу ҳақда полицияга иқтибос келтирган ҳолда Франс Пресс ахборот агентлиги хабар бермоқда.   

30 ёшли журналист Ахмад Хажр Ўглу кўкрагидан олинган жароҳат оқибатида ҳалок бўлди. Ўқ журналистга хавфсизлик кучлари ва жангарилар ўртасидаги отишма вақтида теккан.

Киркук 21 октябрда ИШИД жангарилари томонидан бехосдан ҳужумга учради. Жангарилар эрталаб шаҳардаги маъмурий биноларга, Дибис шаҳри яқинидаги электр станцияга ҳужум қилган. Ироқ хавфсизлик кучлари ҳужумни қайтарган.