Фото: Vimeo/ Timothy Vorhoff
Америкалик талаба университетга етиб олиш учун машинада 5 минг километрдан ортиқ масофани босиб ўтди. Тимоти Ворхофф ўз саёҳатини видеога олиб, ундан ролик ишлади. Бу ҳақида Daily Mail нашри хабар берди.
Манбага кўра, Тимоти Шимолий Каролинадаги Шарлотт шаҳридан Лос-Анжелесдаги Жанубий Калифорния Университетига ўз машинасида борган. Бу вақт ичида у 11 штат ҳудудини кечиб ўтган ва бешта миллий паркда бўлган. Ворхофф тунда автомобилда ухлаган.
Йигит бу йил университетга кирганини маълум қилган. Тимотининг сўзларига кўра, ўз ҳаётидаги "янги ажойиб палла"ни у ана шундай ажойиб тарзда бошлашга қарор қилган.
