Путин икки миллион доллар пора олган амалдорни ўз лавозимидан озод этди

Архив сурат / "Новая газета"

Россия президенти Владимир Путин иқтисодий тараққиёт вазири лавозимидан озод этиш борасидаги қарорга имзо чекди. Бу ҳақда журналистларга президент матбуот котиби Дмитрий Песков маълум қилган.

Аввалроқ Москва Басман туман суди икки миллион доллар миқдорида пора олганликда айбланаётган Алексей Улюкаевни тергов сўроқлари ўтказиш мақсадида уй қамоғи жазосига ҳукм этган эди. У бу жазони 2017 йилнинг 15 ноябригача ўташи маълум қилинган. Шунингдек, унга кўчада сайр этиш, шифокор ҳузурига бориш каби ишлар ҳам тақиқланган.

Улюкаев ва унинг вакиллари бу жазо чораларини енгиллаштиришни сўрашган. Унинг адвокати эса мижозига тақалаётган айбга далил-исбот йўқлигини маълум қилган.

#Владимир Путин #Алексей Улюкаев #иқтисодий тараққиёт вазири

Kun.uz янгиликларини Google News'да кузатинг

+ Обуна бўлиш