Исроил полицияси мамлакатнинг бир нечта шаҳарларидаги турар жой мавзеларида ёнғинларни уюштирган 22 кишини ҳибсга олди, деб хабар бермоқда ҳуқуқ-тартибот муассасаларидаги манбага иқтибос келтирган ҳолда The New York Times нашри.
Jerusalem Post нашри маълумотларига кўра, 26 ноябрда Биньямин округидаги Халамиш посёлкасидаги кўп қаватли уйларга ўт қўйишга алоқадор бўлганлиги текширилаётган икки киши қўлга олинган.
Посёлкада ёнғин 25 ноябрда кечки пайт юзага келган ва эртасига эрталаб 22 ўт ўчирувчи бригада томонидан тарқалиши тўхтатилган. Айни вақтда ёнғиннинг асосий ўчоқлари бартараф этилган.
Ҳаммаси бўлиб 15 та уй ёниб кетган ва 22 та иншоотга зарар етган. Азият чеккан мавзелар аҳолиси эвакуация қилинган. Ёнғин оқибатида 4 киши жароҳат олган, улар шифохонага етказилган.
Исроил ҳуқуқ-тартибот муассасалари мамлакатнинг бир неча аҳоли пунктларида 24 ноябрда бошланган ёнғинларни батафсил тергов қилмоқда.
