Hutterjoel YouTube-каналида "Формула-1" пойгасининг 2016 йилги мавсумида юз берган барча тўқнашувлар акс этган видео чоп этилди. 12 дақиқадан кўпроқ давом этувчи роликда пойга болидларининг ўзаро тўқнашувлари ва ҳайдовчиларнинг трассадан чиқиб кетишларига олиб келган хатоларини кўриш мумкин.
Пойганинг 2016 йилги мавсуми ноябрь охирида Абу-Даби Гран-приси билан якунланди. Гран-прини Льюис Хэмилтон ютганига қарамасдан, чемпионлик унвони Mercedes-AMG жамоасининг яна бир пойгачиси Нико Росбергга насиб этди. Росберг маррага иккинчи бўлиб етиб келгани учун олган очколари Хэмилтонни умумий ҳисобда ортда қолдиришига етарли бўлди. Mercedes-AMG жамоаси эса муддатидан аввал пойганинг муҳандислар кубогини қўлга киритди.
Пойганинг жорий мавсумида 21 та босқич бўлди. Халқаро автомобиль федерацияси (FIA) 2017 йилги "Формула-1" тақвимининг якуний версиясини чоп этди. Навбатдаги мавсумда 20 та босқич бўлади, унда бошқа Германия Гран-приси бўлмайди. Мавсум 26 март куни Австралиядаги пойгадан бошланади.
