Autoevolution нашри ихтиёрида иккинчи авлод Insignia моделининг хэтчбеки ва универсалига оид суратлар пайдо бўлди. OPC Line модификациясидаги автомобиллар расмий фотосессия вақтида ўғринча суратга олинган.
Monza концепт кари услубида ишлаб чиқилган Insignia модели янги платформада ишлаб чиқилган. У аввалгисидан 55 мм узунроқ бўлади. Шунга кўра, унинг ғилдираклар базаси ҳам 92 ммга кенгаяди. Ғилдираклар ўлчами ҳам 10 ммга катталашади. Шу билан бирга, қанотлари чегараси 30 ммга пасаяди. Модель айрим намуналарида аввалгисидан 175 кг енгилроқ бўлади.
Суратларда акс этган OPC Line модификацияси дизайни, пасайган подвескаси, 20-дюймли ғилдираклари ҳамда Brembo тормоз тизимлари билан фарқланади.
Янги авлод Opel Insignia келгуси йил март ойида Женевада бўлиб ўтадиган моторшоуда расман тақдим этилади. Хэтчбек Grand Sport деб номланади, универсал ҳозиргидек Sports Tourer деб юритилади. Йўлтанламас намунасига Country Tourer дейилиши хабар қилинмоқда.
