Чеченистон раҳбари Рамзан Қодиров машғулотлар вақтида олган жароҳатлар сабаб унда жарроҳлик операцияси ўтказилганини маълум қилди.
"Сиз машғулотларда рақибларим менга зарба бера олмаслигини кўп ёзардингиз. Бу сафар бошқача бўлди", — деб ёзган Қодиров Instagram’даги ўз саҳифасида.
Чеченистон раҳбари шу билан бирга республикадаги шифокорларнинг савиясига юқори баҳо берган. Қодировнинг таъкидлашича, уни бошқа мамлакатда операция қилиш тавсия этилганига қарамай, у Россияда қолган.
