Криштиану Роналду пластик идиш билан антиқа трюк бажарди

Футболчи Криштиану Роналду Pokerstars акцияси доирасида ичида суви бўлган пластик идиш билан антиқа трюк бажарди. Ушбу трюк видеоси Роналдунинг Instagram’даги саҳифасида пайдо бўлди.

Футболчи пластик идишни улоқтирганда у таги билан ерга тушиб, жойида қотган. Бироқ видеодан футболчи ҳақиқатан бунинг уддасидан чиққани ёки бирор найранг ишлатганини билиш мушкул. Футболчи бу трюкни баскетболчи Дуэйн Уэйднинг чорловига жавоб тариқасида бажарди. Аввалроқ АҚШнинг Миллий баскетбол уюшмасининг "Чикаго Буллс" жамоаси баскетболчиси кўзи боғланган ҳолда саватчага тўпни туширган роликда суратга тушганди.