Фото: RIA
Тайваннинг Тйбэй шаҳридаги мактаблардаги сифатсиз таомдан камида 498 киши заҳарланган. Ба ҳақда Тайвань Маразий ахборот агентлиги (CNA) шаҳар таълим департаментига асосланган ҳолда хабар қилмоқда.
Маълумотларга кўра, Тайбейдаги тўртта бошланғич мактаб ўқувчиларида заҳарланиш ҳоллари 6 январь куни кузатила бошланган. 7 нафар болага гастроэнтерит (ошқозон ва ичак шиллиқ пардасининг вирус ва бактериялар туфайли касалланиши) ташхиси қўйилган, бироқ, уларни шифохонага ётқизиш талаб қилинмаган.
Шундан сўнг, шаҳар маъмурияти таълим масканларига таом етказиб берадиган фирмалар фаолиятини вақтинча тўхтатишга кўрсатма берган. Таомлар намуналари экспертизага юборилган, таҳлил хулосаси 15 кунда маълум қилиниши кутилмоқда.
