Мисрдаги блокпостга жангарилар томонидан ҳужум уюштирилди

Фото: © AFP

Мисрнинг Синай ярим оролидаги Ал Ариш шаҳри ҳудудида жойлашган блокпостлардан бирига жангарилар ҳужум уюштирган. Бунинг оқибатида 6 нафар полиция ходими ҳалок бўлиб, яна 10 нафари яраланган, деб хабар қилмоқда "Фажр" нашри.

"Ассошиейтед Пресс" агентлигига кўра, худкуш-террорчи мина тўлдирилган автомобилни бинога келтириб урган.

Миср армияси икки йилдан ортиқроқ вақтдан бери Синай яримороли шимолида аксилтеррор амалиётини ўтказиб келади. Минтақанинг бориш қийин бўлган ҳудудларида экстремистлар жойлашиб олгани таъкидланади.