Дональд Трамп: CNN – ёлғон янгиликлар канали

АҚШнинг сайланган президенти Дональд Трамп 11 январь куни ўзининг илк катта матбуот анжуманини ўтказгани ҳақида аввал хабар қилган эдик. Мазкур анжумандан бир кун аввал Американинг айрим нашрлари Трампни обрўсизлантирувчи маълумотлар мавжудлиги ҳақида хабарлар тарқатган эди. Хусусан, CNN телеканали Америка хизматлари Россия айғоқчилари томонидан Трампга нисбатан маълумотлар тўпланганини гумон қилаётгани ҳақида маълум қилганди. BuzzFeed портали эса, "разведка ҳужжати" тўлиқ эълон қилишга ҳам журъат этди. 

Шу билан бирга, текширилмаган ва тасдиқланмаган маълумотларнинг ошкор қилиниши кўплаб жаҳон нашрлари танқидига учради. Сайланган президентнинг ўзи ҳам "адолатсиз ОАВ"ни кескин қоралади. 

"Улар оқибатларига тайёргарлик кўравериши керак, улар аллақачон тайёрланишмоқда", — дея таҳдид қилган Трамп BuzzFeed порталига матбуот-анжуманида. 

Шу билан бир вақтда, Американинг бўлажак раҳбари CNN журналистига савол бериши учун изн бермаган, аксинча телеканални "Сиз — сохта янгиликларсиз!", дея айблаган. 

Трампнинг сўзларига кўра, агар ушбу хабарлар эълон қилинишида махсус хизматларнинг қўли бўлса, бу уларнинг обрўсига путур етказади. "Балки бу разведканинг ишидир, эҳтимол ундай эмасдир — ким билади?" – деб қайд этган республикачи президент.

Трамп, шунингдек, мазкур масала бўйича расмий Кремль позициясини ҳурмат қилишини уқдирди. Москва обрўсизлантирувчи маълумотлар эълон қилинишини “мутлақ асоссиз хабар” эканини таъкидлаб, Россия ҳеч кимга нисбатан бундай маълумотлар тўпламаслигини, балки глобал тинчлик ва хавфсизлик мақсадида ишлашини қайд этган эди.