АҚШнинг Детройт (Мичиган штати) шаҳридаги автобус терминалида кучли ёнғин келиб чиқди. Воқеа жойидан олинган видео Ruptly томонидан тақдим этилди.
Маълумотларга кўра, ёнғин портлаш оқибатида келиб чиққан: олов терминал ва яқин атрофдаги ҳудудларга жиддий зарар етказди. Автобус терминалининг томи эса қулаб тушган.
Cleveland 19 News телеканалининг хабар қилишича, бир неча автобус ҳам ёнган.
Ҳодиса жойига ўт ўчириш хизмати ходимлари ва экспертлар етиб келди. Улар ёнғин сабабларини ўрганиб чиқмоқда.
