Ҳолливуд актёри Жек Николсон кинодаги фаолиятини бутунлай якунлайди. Бу ҳақда The Sun актёрнинг ҳамкасби ва дўсти Питер Фондага асосланиб хабар берган.
"Ўйлайманки, у пенсияга чиқади. Унинг номидан гапиришни истамайман, аммо у етарли даражада кўп ишлади ва ўзини молиявий жиҳатдан таъминлаб қўйди", деган Фонда. Шу билан бирга у дўстининг қарорига аниқ сабаб келтирмаган.
У шунингдек, Николсон агар унга чиндан ҳам қизиқарли ва фавқулодда роль таклиф этилса, албатта суратга олиш майдонига қайтиши мумкинлигини қўшимча қилиб ўтган.
Айни вақтда 79 ёшда бўлган Николсон охирги марта 2010 йилда "Сиз қаердан биласиз?.." номли комедик мелодраммада иштирок этганди. Жами 70дан ортиқ фильмда суратга тушган Николсон 12 марта "Оскар" мукофотига номзод бўлган, 3 марта мукофот лауреати бўлган.
