Россия президенти Уго Чавес соврини билан мукофотланди

Архив сурат

Венесуэла президент Николас Мадуро, Россия президенти Владимир Путин Уго Чавес номидаги тинчлик мукофоти лауреати бўлгани ҳақида эълон қилди. Бу ҳақда El Nacional ёзган.

Мадуронинг сўзларига кўра, халқаро мукофот қўмитаси, биринчи совринни Путинга топширишга қарор қилган.

«Биз Владимир Путинни тинчлик, кўпқутбли дунё етакчиси деб биламиз. Биз ундан кўп нарсани ўрганаяпмиз», — деган Мадуро матбуот анжуманида.

Венесуэла президенти, шунингдек, Россия етакчисининг «дунёни стратегик кўра олиш қобилияти»ни ҳам эътироф этган. Бундан ташқари, Мадуро Россияга тез орада ташриф буюришига умид билдирган.

Тайёрлаган: Толиб Раҳматов

#Венесуэла #Владимир Путин #Николас Мадуро #Уго Чавес #тинчлик мукофоти