Тошкент жамоат транспортига электрон тўлов тизими жорий этилиши мумкин

Тошкент шаҳар жамоат транспортига 2017 йил IV чорагида электрон тўлов тизимини жорий этиш мўлжалланмоқда, деб хабар берди 1news.uz.

Бу тадбир муҳокамага қўйилган “Ўзбекистон Республикасини янада ривожлантириш бўйича ҳаракатлар стратегияси тўғрисида” Ўзбекистон Республикаси Президентининг Фармони лойиҳасида белгиланган.

35 миллион сўмлик лойиҳа Тошкент шаҳар ҳокимлиги, “Тошшаҳартрансхизмат” компанияси томонидан тижорат банклари кредитлари эвазига амалга оширилади. Лойиҳанинг рўёбга чиқиши аҳолига сифатли транспорт хизматлари кўрсатишга эришиб, транспорт хизматидан олинадиган даромад ҳажмининг 15 фоизга ўсишига сабаб бўлади.