Покистондаги портлаш оқибатида қурбонлар сони 25 кишигача ошди

Покистоннинг шимолидаги Куррам вилояти деҳқон бозорида содир этилган портлаш қурбонлари сони 25 кишигача ошди, яна 90 га яқин киши яраланган, деб хабар бермоқда Los Angeles Times нашри.

Портлаш Парачинар шаҳрида юз берган. Аввал 21 киши ҳалок бўлгани, 51 киши яралангани маълум қилинганди.

"21 январдаги бомба портлаши оқибатида камида 25 киши ҳалок бўлди, 87 киши яраланди", деб маълум қилинди хабарда. 

Нашрда маълум қилинишича, бомба бозордаги сабзавотлар контейнерига яшириб қўйилган бўлган. Портлаш юз берган вақтда бозорда одам гавжум бўлган. 

Маълумотларга кўра, портлаш учун жавобгарликни бирданига иккита – "Лашкар-а Жангавий" ва "Таҳриқ-а Толибон Покистон" радикал гуруҳлари ўз зиммаларига олган.