Лавров Путин ва Трамп нима ҳақида суҳбатлашганларини маълум қилди

Россия ва АҚШ етакчилари Владимир Путин ҳамда Дональд Трампнинг 28 январь кунидаги суҳбати икки мамлакат манфаатлари мос келадиган қатор соҳаларга ойдинлик киритган. РФ ташқи ишлар вазири Сергей Лавров шундай баёнот берди.

"Маълум сабабларга кўра, тафсилотларига тўхталмаган ҳолда, амалий масалаларга бағишланган суҳбат Россия ва АҚШ манфаатлари мос келадиган айрим соҳаларга аниқлик киритди", — деган Лавров Москвадаги матбуот анжуманида.

Россия ва АҚШ президентлари ўтган ҳафта шанба, 28 январь куни бўлиб ўтган суҳбатда Сурия ва Украинадаги вазиятлар сингари қатор масалалар муҳокама қилинди. Томонлар, шунингдек, халқаро терроризмга қарши курашда чораларни бирлаштириш муҳимлигини қайд этишди.