Остона шаҳрининг чегаралари ўзгариши маълум қилинди

Қозоғистон президенти Нурсултон Назарбоев Остона шаҳрининг чегараларини ўзгартириш тўғрисида фармон берди. Бу ҳақида Оқўрда матбуот хизмати хабар берди. 

Президент сайтида шунга мувофиқ фармон матни берилган. 

"Қозоғистон Республикаси Қонунининг "Қозоғистон Республикасининг маъмурий-ҳудудий жойлашуви тўғрисида"ги 9-моддасига мувофиқ:

1. Остона шаҳрининг чегаралари ўзгартирилсин, жорий фармон иловасига кўра Оқмўла вилояти Целиноград туманининг умумий майдони 8 719 гектар бўлган қисмини унинг таркибига киритилсин.

2. Фармон чоп этилган кундан бошлаб расман кучга киради".