Сурия бўйича навбатдаги учрашув қачон ўтказилиши маълум қилинди

Остонада Суриядаги можарони тинч йўл билан ҳал қилиш бўйича учрашув февраль ойи ўрталарида бўлиб ўтади, деб хабар берди Қозоғистон ташқи ишлар вазири Қайрат Абдраҳманов.

"Албатта (учрашув Остонада бўлиб ўтади – таҳ.)", - деди у журналистларга.

Унинг таъкидлашича, "Остона платформаси амалдаги ҳисобланади".

"Тахминан... биз февраль ўрталари ҳақида гапирмоқдамиз", - деди вазир.

Аввалроқ Россия делегациясига бошчилик қилаётган РФ қуролли кучлари бош штати тезкор бошқармаси бошлиғи ўринбосари Станислав Гажимагомедов Россия, Эрон ва Туркиянинг Сурия бўйича қўшма тезкор гуруҳининг навбатдаги учрашуви 15-16 февраль кунларига режалаштирилгани ҳақида хабар берганди.