Хитойда юк машинаси мактаб олдидаги одамлар устига қараб юрди

Хитойда черепицалар юкланган юк машинаси мактаб олдида тўпланиб турган одамлар устига юриб борди. "Жэньминь жибао" хабарига кўра, Анхўй вилояти ҳудудида содир бўлган ушбу ҳодиса оқибатида 1 бола ҳалок бўлиб, 100 киши жароҳатланган.

Хабарда аниқлик киритилишича, ҳодиса Хэфэй шаҳар округи таркибидаги Луцзян уездидаги мактаблардан бири олдида рўй берган. Юк машинаси пиёдалар устига юриб, кўплаб электроскутерларни мажақлаб ўтган.

Ҳодиса оқибатида ҳалок бўлган бола -  8 ёшли қизалоқ экани маълум бўлган. Ҳодиса туфайли жароҳатланганлар шифохонага етказилган.

Юк машинаси ҳайдовчиси полиция томонидан қўлга олинган. Унинг айтишича, транспорт воситасида тормоз ишламай қолганди.