NBC News телеканали маълумотларига кўра, Кремлда Россия президенти Владимир Путин учун унинг америкалик ҳамкасби Дональд Трампнинг руҳий ҳолати бўйича ҳужжат тайёрланган.
Таъкидланишича, ҳужжатдаги дастлабки хулосаларга кўра, "АҚШ президенти таваккалчи ва шу билан бирга содда инсон" деб эътироф этилган.
"Кремлда жуда жиддий тайёргарлик иши кетмоқда. Шунингдек, Трампнинг охирги 2-3 ойдаги хатти-ҳаракатлари таҳлилига асосланган унинг руҳий портрети бўйича 7 саҳифалик ҳисобот тайёрланган", деб айтди Россия ташқи ишлар вазирининг собиқ ўринбосари Андрей Фёдоров.
Фёдоровнинг айтишича, у Трампни 20 йилдан бери билади.
Телеканалнинг маълум қилишича, "АҚШ президенти "онгига кириб кўришга" уриниш Путинга унинг Трамп билан биринчи учрашувида ёрдам бериши билан шартланган". Ҳозирча бу учрашув санаси белгиланмаган.
